Rikthimi i suksesshëm në Angli, Ronaldo shpallet lojtari i muajit në Ligën Premier

13:13 | 8 Tetor 2021
A. B.

Cristiano Ronaldo ka bërë bujë të madhe me rikthimin në Manchester United në fund të muajit gusht.

Rikthimi i tij në Angli ka qenë fantastik, pasi portugezi ka filluar menjëherë shkëlqimin në Ligën Premier.

Kësisoj Liga Premier ka vendosur që Ronaldo të merr çmimin si lojtari më i mirë i muajit shtator.

36-vjeçari ka zhvilluar tri ndeshje gjatë muajit shtator, ndaj Newcastle United, West Ham United e Aston Villa.

Në këto tri ndeshje, Ronaldo shënoi tre gola duke i siguruar Djajve të Kuq dy fitore.

Ka qenë Liga Premier që ka publikuar një video të Ronaldos me golat e tij në muajin shtator, derisa edhe Manchester United ka uruar yllin e skuadrës për këtë çmim. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm